فارس حسونة .. لماذا خرج من مصر ؟

فارس-حسونة-لماذا-خرج-من-مصر

قبل ما نقول ليه لعب لقطر لازم نشوف السبب اللي خلاه يحقق حلمه في أي بلد تاني 

فارس إبراهيم حسونه رباع مصري مجنس بيلعب تحت الراية القطرية وهو ابن الرباع المصري السابق ابراهيم حسونه اللي مثل مصر أوليمبيا في 84 ، 88 ، 92 .

قرر الاتحاد المصري في فترة أنه يتجاهله تماما من الدعم نتيجة خلافات سابقة بين الاتحاد و والده عشان يقرر ابراهيم أنه يدفع فارس لتمثيل قطر  وتقرر قطر توفير كافة وسائل الدعم والرهان عليه من أجل ميدالية اوليمبية وتتوالي إنجازاته بعدها من ذهبية وفضية في بطولة العالم في 2017 والنهاردة بيحقق ميسو الذهبية الأوليمبية الاولى في تاريخ قطر ويكسر الرقم الأوليمبي بعد ما رفع وزن 225 كجم في النتر عشان يكون إجمالي الوزن اللي رفعه 402 كجم.

خرج فارس من معسكر مثالي في جورجيا عن طريق الاتحاد القطري نحو ميدالية اوليمبية في الوقت اللي قرر الاتحاد المصري لرفع الأثقال أنه يدمر البعثة الأوليمبية كلها في اللعبة وتتورط في فضيحة المنشطات عشان يتم استبعادنا من أكثر لعبة مميزين فيها عبر تاريخ الأوليمبياد

فارس هو مثال ونموذج مصري لكم الإهمال والفساد وغياب التخطيط والدعم والعشوائية اللي بتدفع أبناء بلدنا لتمثيل دول عربية وأوروبية ويحققوا انجازات عظيمة وانت لا تملك سوى التحسر على مواهبك.

شكرا يا مسؤولين عن الرياضية المصرية ..