- ℃ 11 تركيا
- 2 مايو 2024
أبراهيم عبد الفتاح يكتب : المشكلة في الورق
أبراهيم عبد الفتاح يكتب : المشكلة في الورق
- 28 أبريل 2021, 2:37:23 ص
- 1032
- تم نسخ عنوان المقال إلى الحافظة
بصرف النظر عن أبطال الموسم وكل موسم والمفروضين على الشغلانة بقوة المال والعلاقات والرضا الأبوي " مشيها الأبوي "
وبص بقى على الصف التاني ولحد أصغر الأدوار ، حتلاقي عندنا ممثلين كبار وبجد بجد أي ممثلة أو ممثل منهم إذا حصل على فرصة عالمية حيحصل ببساطة على أعلى الجوائز ،
طيب وعندنا مخرجين مهمين ومميزين وأثبتوا حضورهم بقوة خلال سنوات ،
ولو اتكلمنا عن بقية عناصر الصورة فتقدر وبكل فخر تعد أسماء كتيرة على درجة عالية من المهنية والإبداع في الإضاءة والتصوير والديكور والمونتاج والموسيقى والماكياچ وحتى تصميم المعارك ،
طب فين المشكلة ياحاج ؟ أنا أقولك يابرنس ، المشكلة في الورق ، أيوة في الكتابة حضرتك ،
هى أضعف عنصر عندنا وده مش من النهاردة ولا السنة اللي فاتت ولا اللي قبلها ،
عندنا مشكلة حتى في فهم العملية الإبداعية للدرجة اللي تخلي سيناريست " تجاوزا يعني " يعمل ورش سيناريو وهو لحد النهاردة مابيعرفش يكتب مشهد ،
ضيف على ده مفهومنا وتفسيرنا القاصر والمخل لفكرة الورشة واللي اتلخص في أن الأسطى يوزع على الكتبة كل واحد اربع أو خمس حلقات " أون لاين "
طبعا ومن قبل كوفيد ١٩ بسنين ، المهم يستلم المسلسل في نهاية الشهر ويسلم للشركة ودور العجلة يامعلم واللي يخلص في ٣ شهور أحنا بعون الله نضربه في ٣ أسابيع " سلو بلدنا "
وانسى بقى دراسة الجدوى والمادة العلمية ومراجعين اللغة واللهجات والتدقيق التاريخي
ولو الحاجات ضرورية مفيش مشكلة عندنا عيال كتير محل ثقة وقرايب الباشا أو النجم ومش كيميا يعني واهي المصادر موجودة ومش مكلفة يعني وسلم واستلم زي ماتحب ،
عايزها ع المحارة وتشطب انت ماشي ، ماعندكش وقت ولا خلق للتشطيب نظبط أحنا يامعلم ،
الباقي بقى أمره سهل وحتلاقي المسلسل نمرة واحد والأعلى مشاهدة زيه زي باقي المسلسلات وكل سنة وانت طيب وبعودة الايام واتعشت وألف مبروك ويالا نفتح في اللي بعده .
كلمات دليلية
التعليقات (0)
إقرأ أيضا
أحدث الموضوعات
خميس, 02 مايو 2024
أعمال عنف بحق متظاهري جامعة كاليفورنيا.. الشرطة تحتشد لفض الاعتصام خميس, 02 مايو 2024
ارتفاع نسبة الفقر في غزة إلى أكثر من 90% الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس تغطيات
أربعاء, 01 مايو 2024
الاحتجاجات الطلابية كشفت أكذوبة الديمقراطية الغربية والأمريكية أربعاء, 01 مايو 2024
"ما زال أبناؤكم في الأسر".. رسالة كتائب القسام إلى أهالى الأسرى الإسرائيليين أربعاء, 01 مايو 2024
اليوم الـ208 لإبادة غزة: الاحتلال يصعد القصف والغارات على كل مناطق رفح