- ℃ 11 تركيا
- 2 مايو 2024
المسحراتي.. عمر الصاوى الحلقة الثانية
المسحراتي.. عمر الصاوى الحلقة الثانية
- 14 أبريل 2021, 1:09:09 ص
- 797
- تم نسخ عنوان المقال إلى الحافظة
المنجد
.
مسحراتي فى البلد ومنَجِّد
وكل ليله كإني نازل أعيّد
إنده معايا وقول يا شيخ سيد
يا رب دايما نيجي في الأفراح
.
زغروطه ياام الحبيبه
قولي دايمًا يا رب
مع كل دقة وتر
سمعت دقة قلب
قلبين بيتجمَّعوا
على الحلال والحب
.
يا عم يا منجد
شد الخيوط فى الالحفة وشدّد
ما تخلّي واحد منِّنا يبْعد
يا عم يا منجد
.
بحق شهر الصيام
تملا المخده البيضا بالأحلام
وتحشي كل الالحفه
عشره ومحبه ودفا
.
أصل الوفا في النفوس
بسم الله واضرب بالوتر والقوس
خلي الفراق يبعد..
يا عم يا منجد
.
بالإبره طرّز في الشِّلَتْ والملايه
بسم الله واقرا السوره والآيه
ما تخلي عين الحاسِدِين تحسد
يا عم يا منجد
.
زمن البعاد عَدّى
ارسم لنا ع المخده
يمامه بيضا وورده
والْضُم قلوبنا بخيط حِنَيِّن واعقِد
يا عم يا منجد
.
وارسم على الخُدَدِيه
مِ الناحيه دِيه.. للناحيه ديه
غزاله نازله على نبع الحنان تِوْرد
يا عم يا منجد
.
واعمل مساند للكنب
خضرا فى لون ورق العنب
لما نخطي مْنِ العتب
تصبح جنينه تضمنا وتسعِد
يا عم يا منجد
.
وتَكَّايات ..
لما الحبيب يتّكي
ما تقولش آه ..
ولا تشتكي
.
يا قطن يا ابيض ياللي إسمك قطن
علشان خدوك الفلاحين بالحضن
.
يا كل خيط نوّر لنا فى بيتنا
على قد ما حبينا ..حبيتنا
دي حاجات فرحنا لما تيجي وتِقْدَم
ـ ربنا يعلم ـ
تصعب علينا لما تتجدد
يا عم يا منجد
.
بالطبله دقه وبقلبى دقه
ياللي سامعني ما تقولش لأ
.
كـل اللـي جوزتهم.. راجـع أسحرهم
ع الحب نيمْتُهم.. بالحـب اسهـرهم
قلبين ما يتغيروا، طبـع الـوداد غـالب
وانا اللـي طالب من الرحمن يكترهم
.
اصحى يا نايم
رمضان كريــم
.
عمر الصاوي
(من ديوان المسحراتي 1987)
كلمات دليلية
التعليقات (0)
إقرأ أيضا
أحدث الموضوعات
أربعاء, 01 مايو 2024
عمدة لوس أنجلوس يدعو لإجراء تحقيق في أعمال العنف بجامعة كاليفورنيا أربعاء, 01 مايو 2024
إيران تكشف تفاصيل جديدة عن قتلى القنصلية في سوريا أربعاء, 01 مايو 2024
سنا كجك تكتب: "إسرائيل " تغري حماس بعرضها ماذا تضمن؟ الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس وثائقيات
ثلاثاء, 28 فبراير 2023
مخزون قبو يوم القيامة يتضخم.. وعينات البذور تتجاوز 1.2 مليون خميس, 05 يناير 2023
تعرف على " هيتتي غرين " أبخل امرأة في التاريخ