- ℃ 11 تركيا
- 2 مايو 2024
سيد صابر يكتب : اتفاق قانوني ملزم.. لله يا محسنيين
سيد صابر يكتب : اتفاق قانوني ملزم.. لله يا محسنيين
- 24 يوليو 2021, 6:41:18 م
- 4745
- تم نسخ عنوان المقال إلى الحافظة
طبعا عيب وعيب جدا شخرة ايمان البحر درويش ... ازاي يشخر ... ازاي يشخر واحنا ماشاء الله بنشحت ايوااا بنشحت من كل دول العالم ... لا لا مش بنشحت فلوس ... بنشحت اتفاق قانوني ملزم ...
الووو مستر بايدن ازيك وازاي الست حرمك سعاتك انا بس بأمل بتدخل سعاتك مع ابي احمد عشان عاوزين اتفاق قانوني ملزم ... بص سعاتك انت ممكن تبلغ ابي احمد يطلع يقول قدام الناس ويقول اتفاق قانوني ملزم وعادي ما يلتزمش بعد كده ... بس عشان شكلي قدام الصعيدي وابن اخوه البورسعيدي يا باشا ... يرضيك يحصل معايا كده يا مستر بايدن ولا انا عشان ماليش لا حبيب ولا قريب ولا غريب في الإدارة الأمريكية دلوقتي ... فين ايام مستر ترامب ده انا يا مستر بايدن كنت بوافق علي كل طلبات مستر ترامب صفقة القرن والعلاقات مع إسرائيل... يا باشا ده كان بيقول عليا فكينج كيلر ... هي فكينج كيلر ديه شتيمة سعاتك وحتي لو شتيمة هي الشتيمة بتلزق ... وبخصوص المعتقلين يا مستر بايدن ان هطلعهم كلهم سعاتك بس تاتا . . تاتا وهنقبض عليهم طازة بطازة سعاتك عشان شكلي وشكل المؤسسات وكده ...
الووووو مستر جونسون يا مساء الفل علي انجلترا الشقيقة ... ايه يا مستر جونسون ده احنا حبايب من ايام الاورنوس يا جدع ... بص ياعمونا مش هطول عليك لان انا عارف الإنجليز بيحبوا يناموا بدري ... انا عاوزك تقنع ابي احمد بتاع إثيوبيا بأتفاق قانوني ملزم ... عشان الخطوط الفوشيا وكده ... ايوااا سعاتك انا وقعت في ٢٠١٥ بس ماكنتش اعرف انه هيركبني المرجيحة سعاتك ... يا باشا الاتحاد الأوروبي تمن كله يعرف احنا بنصرف جامد ... اسئل بتوع ايطاليا وشركة ايني... اقولك حتي اسئل الواد ماكرون ... احنا خدنا منهم الرافال والمسترال ... طب اسئل الحاجة ميركيل احنا قلنا حاجة عالغواصات ... انت تؤمر يا مستر جونسون اي حاجة عندك روبابيكيا وعاوز تصرفها اخوك موجود ياعمونا بس والنبي شوف لنا موضوع الاتفاق القانوني الملزم ده ...
الووووو بنسوار ومساء الأنوار يا خويا ياماكرون طمني عن صحتك وصحة الحاجة امك ... مراتك يا مسيو مراتك... يرضيك كده ياماكرون واحنا حبايب من ايام نابليون بونابرت يرضيك يحصل معايا كده ... ايواا يا سيدي... الآلش زاد لدرجة ان امبارح الموكب بتاعي ماشي وواحدة ست منزل السبت من البلكونة وبتقول لبتاع الطماطم ... يا بتاع الطماطم حط لي في السبت اتنين كيلو طماطم ونص كيلو اتفاق قانوني ملزم والنبي ... يرضيك كده ياماكرون ... طب ياخويا انا اعتمادي علي الله وعليك تشوف لنا الموضوع ده ...
الوووووو الحاجة كريستالينا غورغيفيا مدير صندوق النقد الدولي .. ازيك يا حاجة وازاي البيه جوزك ... والولاد اخبارهم ايه ... كله تمام ... طب الحمد لله ... شوفتي يا حاجة انا رفعت البنزيم للمرة العشرين ... ايتها خدمة ياستي ... والمصريين مشغولين بالعيد رفعت البنزيم وكده انا عملت كل حاجة طلبتوها ... كنت عاوزك في خدمة صغنتتة كده يعني لو تكلمنا رئيس مجلس الأمن يكلم أعضاء مجلس النواب الأمريكي عشان يكملوا اعضاء مجلس الشيوخ عشان يكملوا وزير الخارجية الأمريكي عشان يكلم مستر بايدن ... عشان مستر بايدن يكلم ابي احمد عشان ابي احمد يكلم المفاوض الأثيوبي ويعملوا اتفاق قانوني ملزم ...
الووووو فطاطري الدقي ... عاوزة فطيرة بالاتفاق القانوني الملزم والجمبري ....
انت ساكن في العمارة اللي فيها شقة مصطفي الفقي ... طب ما عندناش فطير ... تيت ... تيت ... تيت
كلمات دليلية
التعليقات (0)
إقرأ أيضا
أحدث الموضوعات
أربعاء, 01 مايو 2024
عمدة لوس أنجلوس يدعو لإجراء تحقيق في أعمال العنف بجامعة كاليفورنيا أربعاء, 01 مايو 2024
إيران تكشف تفاصيل جديدة عن قتلى القنصلية في سوريا أربعاء, 01 مايو 2024
سنا كجك تكتب: "إسرائيل " تغري حماس بعرضها ماذا تضمن؟ الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس تكنولوجيا
خميس, 25 أبريل 2024
الكشف عن عمليات ابتزاز للأطفال بواسطة أدوات الذكاء الاصطناعي سبت, 20 أبريل 2024
منها ماك بوك وآخر إصدار من سويفت.. أفضل إصدارات اللابتوب لسنة 2024 خميس, 18 أبريل 2024
اعتقال موظفين في “جوجل” عارضوا التعاون مع إسرائيل