- ℃ 11 تركيا
- 2 مايو 2024
عبد المجيد راشد :المسحراتى: لا فقدت فيكى الإيمان ولا كنت يوم كافر
عبد المجيد راشد :المسحراتى: لا فقدت فيكى الإيمان ولا كنت يوم كافر
- 29 أبريل 2021, 11:50:08 م
- 659
- تم نسخ عنوان المقال إلى الحافظة
دقيت على طبلتى
على طبلتى دقيت
و صحيت على ندهتى
و بندهتى صحيت
يا قلوب ملاها الشوق
للعدل و الحرية
يا طريق و مليان شوك
أرواحنا لسه عفيه
الفجر نوره و نداه
جوه زهور شيلاه
تنشر عبيرها ف هواه
تملا حياتنا حياه
دقيت على طبلتى
من قلب حلم اتولد
مسحراتى ليلاتى
سارح بطول المدد
الصوت بيرجع صدى
و الصبر ابن الجلد
بدد يا نور عتمتى
طبطب على طبلتى
يروى الندى سكتى
و الحلم يطرح بلد
---------------
يا دمعتين نازلين
على وطن متهان
يصرخ و لا سامعين
كأنهم من غير ودان
مع انهم عارفين
مين اللى باع
و مين اللى خان
ومين اللى صان
يا فجر امتى الادان
م المادنة حتى الميدان
يروى غيطان الروح
يعبر جراح و جروح
و يداوى حلم السنين
من الأنين للحنين
و يلبى كل الندا
النور ينادى الندى
و الصوت ينادى الصدى
نرفع رايتنا لفوق
مسحراتى الغضب
و الإحتجاج
و الشوق
الجدر مادد لفوق
يحلم بفك الطوق
من ليل غميق لشروق
والصوت يشق الحلوق
و الروح بتنسج
من الجروح موال
الليل طويل
لكن النهار جوال
يا ألف أه يا ليل
يا ألف آه يا عين
لافقدت فيكى الإيمان
و لا كنت يوم كافر
ليه قاسية ع المؤمنين
و رحيمة ع الفاجر
حنى بقى و اعدلى
وصلت قلوبنا الحناجر
ومهما زاد العناد
لكل فجر معاد
مسحراتى بطول البلاد
أصرخ ليلاتى
إصحوا و فوقوا
لكل آتى
رمضان كريم
شهر و عظيم
فيه العظات و المعجزات و الإنتصار
الفجر لازم يولد نهار
و الصبح مولود من نور و نار
مسحراتى و ف إنتظار
الأمة ترفع راية إنتصار
رمضان كريم
يا نايم إصحى
وحد الرزاق
كلمات دليلية
التعليقات (0)
إقرأ أيضا
أحدث الموضوعات
خميس, 02 مايو 2024
كولومبيا تعلن قطع العلاقات الدبلوماسية مع الاحتلال الإسرائيلي خميس, 02 مايو 2024
قيادي في "حماس": الورقة المصرية الأخيرة أفضل مقترح قدم لنا خميس, 02 مايو 2024
ماهى أهداف المقترح الفرنسي بإنشاء وحدات عسكرية مشتركة في ليبيا ؟ الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس وظائف إعلامية
أربعاء, 26 مايو 2021
مطلوب للعمل