- ℃ 11 تركيا
- 1 مايو 2024
فؤاد حداد : من ديوان " نور الخيال و صنع الأجيال " أمنيـــــــــــــــة واحــــــــــــدة
فؤاد حداد : من ديوان " نور الخيال و صنع الأجيال " أمنيـــــــــــــــة واحــــــــــــدة
- 1 أبريل 2021, 11:36:57 ص
- 1365
- تم نسخ عنوان المقال إلى الحافظة
يا سامعين أبناء بلد واحده
تحت السما الواحدة
كان ودى أملك مرايه
من الصبر الابيض والندى والنور
اللى فى الإنسان
ساعة ما يستقبل مع الفجر البداية
العمل والسعي طالبين الأمل والوحى
نازلين الطريق على رأى أهل الهداية
مستفتحين كل حين بالسورة والآية
يجرى دولاب دوار وتشتغل الأيادي
على نغم معروف زي ترتيب الحروف
فى الكتاب اللى يحب القراية
كان يا مكان فى ديوان القاهره مصر ألوان
الشجر والبهجة
الصدف والعاج
الهلال والتاج
وكسوة المحمل قطيفه ومخمل
عطر المباخر والرخام الفاخر
وخشب عيار الورد والفضه
والزهر والنهر فى ماء الدهب مخطوط
والدق والتطعيم ورسم النعيم
فى مصر حقق غاية الغاية
هى الكنوز اللى تابعت فى القمر والشمس
عرق الصنايعية ما أصبح وأمسى الأمس
من مصر لاسطنبول كنسهم كنس
غازي سليم شاه غليظ العين حمل وياه
وجر ألفين نفس
من كل أرباب الصنايع
ومن القضاه والمسموعين فى الناس
ساقهم على اسطنبول هناك السراية
لو قام كفيف الدمع يحكى الحكاية
يقول ولا يخشى من الجلاد
الموتُ أرحمُ من وداعِ القاهره
يا من نأى عن مصر زين البلاد
أميرة الدنيا فى حب الولاد
أم الفطار السهل والضحك الذكي
عينك حتحسد على ترابها الحفايا
يا قلب ساب الضلوع
بنى آدم المخلوع
من أرضه يتخبط قليل الدراية
أما أنا أشقى وينفضني الشقا زى الذبيح
ولا ينتفع نظري من المصابيح
وكفايه قلبي وأيدي يعرفوا التسبيح
يا رب ولا يتبدل أبداً
حمل الوطن من على أكتافي
أمنيه واحده واعيش مسرور
مهما الزمن يقلب ويدور
كفايه قلت صباح النور
والملك زى اللبن الصافي
يا رب ولا يتبدل أبدا
حمل الوطن من على أكتافي
آدي النخيل وادى الأبراج
الخضرا فى عيون الحجاج
ياما ملوك لابسين التاج
على ترابها حسدوا الحافي
يا رب ولا يتبدل أبداً
حمل الوطن من على أكتافي
مصر الحبيبة مع الأحباب
هى اللى تضحك من غير ناب
بين العرايس والخطاب
ترمى السؤال والرد الشافي
يا رب ولا يتبدل أبداً
حمل الوطن من على أكتافي
لو يوم صحيت ولقيتها بعيد
أسرق ريحتها بقطع الإيد
ما اعرفش غيرها قديم وجديد
بالليل قمر والفجر عوافي
يا رب ولا يتبدل أبداً
حمل الوطن من على أكتافي
يا ناس دي مصر اللى إنسانها كريم وأمل
اذا سليم شاه سرق منها متاع القصور
وكل زينات العصور
تفضل عروق الرحمة والحنيه
والأصل الكريم وأمل
ما ينقطعشى عنها أبداً
شرع المحبة قديم
وهادى فى ماضي السنين الطويلة
كان الأمل قايد فتيله
الله خلق لى عينين علشان أشوفها
وإيدين أحوّطها من الإعصار
ولسان أغنيها
وصبر مؤمن أتابعها ليوم الشمس
التعليقات (0)
إقرأ أيضا
أحدث الموضوعات
أربعاء, 01 مايو 2024
"سنقلب الطاولة عليهم".. رئيس الكونغرس الأمريكي يهدد "الجنائية الدولية" بسبب نتنياهو أربعاء, 01 مايو 2024
الشرطة الأمريكية تفض اعتصام الطلاب بجامعة كولومبيا أربعاء, 01 مايو 2024
وزيرة الاستيطان الإسرائيلي تهاجم الاقتراح المصري لتبادل الأسرى وتهدد حكومتها الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس رياضة
اثنين, 29 أبريل 2024
أزمة اتحاد الكرة بإسبانيا تهدد بسحب تنظيم كأس العالم 2030 اثنين, 29 أبريل 2024
غرامة ضخمة.. العقوبة التي قد تطبق على اتحاد العاصمة الجزائري اثنين, 29 أبريل 2024
الزمالك إلى نهائي الكونفدرالية الأفريقية لمواجهة نهضة بركان.. هل يتكرر سيناريو 2019؟