- ℃ 11 تركيا
- 23 أبريل 2024
قصيدة أحمد الرديني : خايفين ياريس
قصيدة أحمد الرديني : خايفين ياريس
- 28 يونيو 2021, 12:35:18 ص
- 995
- تم نسخ عنوان المقال إلى الحافظة
كم خدتوا من عينه البكا
وصرفتوا صك الضحكة من كرم المحبة والإيثار
شوفتوش حبيبتي ازاي بتعجن لي النهار
وازاي تصرّخ وقت مايهين المناصب كلب
أنا مش بحب اصحابي أبعد م المُنى
بس افهموا
إن الغريب دا كان هنا
وماحد فيكم كان وعى
ولا لنواحته دمَع
إزاي هانوه لما اتجلد
إزاي صرخ ولاحد فيكم له سمع
الشعر أكبر م الضلال في النار
لكن القصيدة الحرة احلّ من البدع
إبقوا اسألوا
لو كان فلان قال ١٠٠ قصيدة في وش حاكم
طب ليه مايعرفش اللغة في السجن إيه
طب ليه ماحبسوش الشيطان
طب ليه ماطردوش الرئيس وقاله غور
خلصت فلوس المرتحل أول ما قال
تبا لميتين الضلال
للمجد لو في الأصل العار
الناس تسيب النِسا في السجن ينهشها الشاويش بالإغتصاب
ويتبّتوا في البنت لو قلعت خمار
يخرب دا دين دان البلد
دين الجهالة المعتمد ياسعادة الإبليس
خايفين نقول المجد لله في الأعالي
تزعل
تزعل عشان انت الرئيس
وانت اللي لازم تطعم الأفواه بآه
لمن الملك اليوم ياريسنا؟؟
للطاغية ....الملك فوق في السما لله
خايفين ياريس
خايفة العيالة الكتبكنجية في قصايدهم يقولوا
الشعب بيشاور يقول فتة وهوبر
وهو بيسوس بفولُه
خايف ياريس مُسلمينك عصر الدناسة
خايفين نعيش ونبيع بناتنا في سوق لعشاق النخاسة
خايفين نقدم مرة للحج في حجاز
نروح نطوف ونحج في قصر الرئاسة
خايفين ياريس ننطق الجوع م المهابة
خايفين نئامن باللي جوانا... نروووووح
نروح كلبشات ل استتابة
وانت اللي عامل فيها طيب... لأ ممثل أوي
مانتاش ياريسنا السوي ريس سوي
ما خالش لينا انك ذليل السكة وجريحها
خايفة الكنايس لو تدق الجرس
لتقولُهُم إنك مسيحها
خايفة العيالة الصادقة قول الصدق
خايفة العيال تنطق بقول يزعج جنابك
إظهر عليا اعلن حروبك سفّ دمي
شبابي أطهر من شبابك
خايفين ياريس نمشي لنور الله
نلاقينا نترجى ف جنابك
إظهر وبان وادعك فانوسك
طلّع السجان وقول للكل
أنا اللي دايس بالجزم ع الدين
انا اللي دايس بالجزم ع المؤمنين
أنا اللي دايس بالجزم ع الملحدين
وانتوا اللي لازم تؤمنوا
بااللي هيتقال ع الشاشات م الكذابين
وقولوا صدق الله
بعد اما تبقوا تخلصوا الجرانين
ماهي كل حاجه في المصاير ليك
وكلابك المـُلاك بتاكل من إيديك
خايفين ياريس نظهر الحق لعنيك
خايفين ياريس ولكننا خوفنا وخلاص
أما بكرا ؟
الدور عليك
خايفين ياريس
كلمات دليلية
التعليقات (0)
إقرأ أيضا
أحدث الموضوعات
ثلاثاء, 23 أبريل 2024
200 من الإبادة: 34183 شهيدا و77143 إصابة في قطاع غزة اثنين, 22 أبريل 2024
روسيا: نشر الأسلحة النووية في بولندا سيجعلها ضمن الأهداف المشروعة للتدمير الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس وجهة نظر
سبت, 20 أبريل 2024
مجدي الحداد يكتب: سلاح الفيتو الأمريكي ذو الحد الواحد فقط والموجه ضد العرب جمعة, 19 أبريل 2024
مجدي الحداد يكتب: بين الحقيقة والمسرحية في المسألة الإيرانية أربعاء, 17 أبريل 2024
عباس عبود يكتب: عراق ما بعد العولمة.. بين ماركس وكينز وفريدمان