- ℃ 11 تركيا
- 23 أبريل 2024
عبد المجيد راشد المسحـــــــراتي :الأقصى نبع الشهادة
عبد المجيد راشد المسحـــــــراتي :الأقصى نبع الشهادة
- 26 أبريل 2021, 11:26:45 م
- 712
- تم نسخ عنوان المقال إلى الحافظة
الأقصــــى نبــــــع الشهـــــادة
مسحراتى
بصرخ ليلاتى
على طبلة صوتها
آنين ناياتى
أصحوا و فوقوا
لكل آتى
أوجاعنا جارحة
و دموعنا سارحة
أوضاعنا شارحة
من غير ما هاتى
الأقصى سّيد عنيد
شامخ فى وجه عبيد
حواليه أنصار
أحرار ثوار
شهداء لله
بيقولو يارب
يا حامى البيت
إحنا عبادك
حاملين فى الروح
كل آياتك
و لوجهك
رافعينها راياتك
حكام امتنا
عبيد لعدوك
نسيوك
بيبيعوا فى اقصانا
حكامنا
مذلة و مهانه
فاتحين أوطانا و سمانا
لعدوك و عدو الأمة
حكام رمة
لا دين
و لا ذمة
لا عندهم غيرة
ولا يعرفوش همة
عبيد لغيرك
وقبلتهم لبيت أبيض مهان
يا أقصى يا نبع الشهادة
انت الأمل فى الولادة
لجيل
أكبر من الأحزان
أقوى من الشيطان
أصلب من الصوان
يا أقصى يا نبع الايمان
يا أول القبلة و أخر الانسان
مسحراتى و ف الميدان
و صوته صرخة على طبلته
الأقصى ما أقصاش
حد من نصرته
ما حرمش حد
من كرامته و عزته
زى حكام الخيانة
اللى حاسين انه هم تقيل
وحمل ما تقدر
عروشهم تشيل
ومخلى نهارهم ليل
و حكمهم عليل
و شكلهم ذليل
و كلامهم عويل
الله
يا أقصى
يا جليل
يا كاشف العميل
و الجبان
و المهان
يا واقف عنيد
و شديد
على مر الزمان
صنديد
فارزالخاين
من الشهيد
المقاوم
من البليد
يا أقصى يا عنوان غضب أمة
انت القريب من القلب
و من جنود الله
و انت اللى من أجلك
تهون الحياة
و انت اللى الصلاه فيك
بألف صلاة
و انت اللى بارك ربنا حواليك
و الأسر مش دايم
دى حكمة من عنده
علشان يصحى اللى نايم
و يشد عزم المقاوم
و يقوّم اللى قايم
يوحد الدايم
و كل نصر و له آوان و معاد
مسحراتى بطول البلاد
اصرخ ليلاتى
اصحوا و فوقوا
لكل آتى
رمضان كريم
شهروعظيم
فيه العظات
و المعجزات
و الانتصار
الفجر لازم يولد نهار
و الصبح مولود من نور و نار
مسحراتى
و فى انتظار
الأمة ترفع
راية انتصار
رمضان كريم
يا نايم اصحى
وحد الرزاق
التعليقات (0)
إقرأ أيضا
أحدث الموضوعات
اثنين, 22 أبريل 2024
روسيا: نشر الأسلحة النووية في بولندا سيجعلها ضمن الأهداف المشروعة للتدمير اثنين, 22 أبريل 2024
الـ تايمز تفضح أكاذيب نتنياهو:لن تستطيعوا تدمير حماس وهي باقية الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس هنا القدس
اثنين, 22 أبريل 2024
التصعيد مستمر.. أهالي الأسرى يعتصمون أمام منزل نتنياهو في عيد الفصح اثنين, 22 أبريل 2024
عملية دهس بالقدس المحتلة: إصابة 3 مستوطنين.. والاحتلال يزعم اعتقال المنفذين اثنين, 22 أبريل 2024
مؤسسات الأسرى: اعتقال 25 فلسطينيا من الضفة الغربية منذ مساء الأحد