- ℃ 11 تركيا
- 28 أبريل 2024
محمود العدوي : مضان كريم لعلي عارف
محمود العدوي : مضان كريم لعلي عارف
- 5 مايو 2021, 11:11:06 م
- 730
- تم نسخ عنوان المقال إلى الحافظة
كل مولد له ولي
كل شعب وله ميدان
مش مهم تكون علي
بس ما تكونشي جبان
للحيطان اللي حواديتك
بتحكي فوقها قصتك
وللصحاب اللي ما ورثوا
إلا نغمة ضحكتك
فرحتك تسبق كلامك
خطوتك تسبق سلامك
عينك المرفوعة دايما في الليالي للسما
وكأنها
عاوزة تاخد القمر
بوسع حضن
السكوت شباك قديم
لافف الزنزانة حزن
بس قلبك
كل دقة فيه بتزرع
ع الحيطان للورد غصن
الحرس
يصرخ وينده ع الزنازين بالخرس
ينطفي النور بالأوامر
إلا عينك
ترفض الأمر وتكابر
تبقى زي شهاب ومارق
في السما راسم له لمعة
تضوي ميت مرة كشمعة
تتحسب في الفجر ركعة
تكسر الحيطان
تعدي
تبقى كلمة
تجمع الناس في الميدان
وتقول
الثورة راجعة
الأولة يا علي
الاسم نفس الرسم والكلمة لما تتنطق بالـ لأ
سباقة
والتانية يا علي
قلب البشر مهما قوي ع الظلم جوه الحق
له طاقة
والتالتة يا علي
حب الوطن تهمته يتحكم عليها بالسجن
أشغال شاقة
سبع سنين
سبع سنابل
فيها عينين
فرحها دابل
يوسف سجين
والحبسة مُرة
مستني حلم
ياخده لبره
من مهمشة
مشيت لغمرة
يمكن أشوف
يمكن أقابل
كان لي صاحب
بيغني دايما
لا مرة خد
منها مقابل
ولا مرة غنى
جوه تياترو
احزانه زادوا
عليه وكتروا
بطل يغني
وساب لي صوته
وخد معاه
بس سكوته
انا قولت اعزف
ما طلعشي نغمة
انا قولت اغني
ما طلعشي كلمة
ويومها قلبي
عرف بموته
من مار جرجس
روحت المعادي
المترو زحمة
والقلب فاضي
الحزن دايما
في وشوشنا عادي
يا رب قادر
تسعد قلوبنا
بأمر منك
يخرج صحابنا
من قدك انت
ع الخلق أرحم
رمضان كريم
بس انت أكرم
كلمات دليلية
التعليقات (0)
إقرأ أيضا
أحدث الموضوعات
أحد, 28 أبريل 2024
بسام كريم المياحي يكتب: مشكلة الحكومة في البلد ونظرة المجتمع إليها سبت, 27 أبريل 2024
فك لغز "لعنة" الفرعون توت عنخ آمون الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس وظائف إعلامية
أربعاء, 26 مايو 2021
مطلوب للعمل