- ℃ 11 تركيا
- 2 مايو 2024
عدنان عبدالكريم حسين يكتب: قصص من التراث الفلسطيني
عدنان عبدالكريم حسين يكتب: قصص من التراث الفلسطيني
- 2 أبريل 2021, 3:43:04 م
- 2488
- تم نسخ عنوان المقال إلى الحافظة
من هو زريف الطول هذا الأسطورة الفلسطينية التي لا تموت...
زريف الطول كان نجار ..
وغريب عن القرية ..كان اسمه فلسطيني ..بس طوله كان سبب اسمه … خلوق ما برفع عينه في امرأه …وكان أبو حسن يعطيه أجره كل أسبوع ..وماكان يعرف وين بروح فيه …
بنات القرية بغزلوا حواليه وهو ولا هو هون ..
مرت المختار فصلت نملية ..مشان تلفت نظره لبنتها…
وام خليل مرت خطيب القرية فصلت عنده صندوق (أواعي) وحكتله عن بنتها ..حتى الخطيب ..في خطبة الجمعة لمح للموضوع بس ما في فايد…
في يوم هجموا قطعان اليهود على القرية، واستشهد 3 شباب …
ثاني يوم غاب زريف الطول ..ورجع بعد 4 أيام ..رجع بالليل ..ما حدا شافه … بعد شهر رجعت قطعان اليهود …
كان زريف الطول مشتري ..5 بواريد…وزعهن على شجعان القرية ..
قتلوا 6 يهود …
ثاني يوم القرية قامت وقعدت..
النسوان باعن ذهبهن ..مشان الشباب تشتري بواريد ..
وصاروا يغنوا..
يا عربي يا ابن المقروده بيع أمك واشتري باروده ..
رجعت القطعان توخذ بالثأر …وحصلت معركه مثلها ماصار..
هرعوا الناس كبار صغار ..وفي كروم التفاح .. ريح الثوره نسّم وفاح…
استشهد شباب كثير ..بس خسائر القطعان أكثر …
جمعوا الشهداء ..زريف الطول مش معهم ..
وزريف الطول مش مع اللي بقوا …
بس الكل حلف يمين إنه شاف زريف الطول قتل أكثر من 20 يهودي ..
وكان يطخ ببارودتين..وهو اللي سحب عمار وجهاد أولاد الأرملة من ساحة المعركه وهم جرحى والرصاص زي زخ المطر فوق رأسه …
طول الليل القرية دورت بالمشاعل على زريف الطول ..
مابين إله أثر …
ومرت الأيام ..وصار زريف الطول أغنية القرية …
يا زريف الطول وين رايح تروح بقلب بلادنا تعبقت الجروح
يا زريف الطول وقف تاقولك رايح عالغربة وفلسطين أحسنلك..
..
بعدها بخمس سنين إبراهيم الحلاق حلف يمين إنه شاف زريف الطول مع عز الدين القسام في أحراش يعبد .
.وجهاد ابن الأرملة بقول شافه مع الحنيطي بدرب الثوار بيافا..
أكيد مهو مش غشيم عنه …
وكثير ناس حلفت إنه كان ببورسعيد مع جول جمال ..
وعلى الوصف ناس شافوه بالكرامة على نهر الأردن بفجر دبابة بعد ما قطعت النهر …
بس آخر مره شافوه..
كان بغزة..
طلع للقطعان من نفق ..رمى صلية صواريخ على تل أبيب ورجع على الخندق ….
زريف الطول كل مقاوم ..
وكل ايد قابضة على السلاح وسبابتها على الزناد …
بعرف ..
في سؤال ؟؟؟هو زريف الطول ما بموت …
ليش هو الفلسطيني بموت !!!!
كلمات دليلية
التعليقات (0)
إقرأ أيضا
أحدث الموضوعات
أربعاء, 01 مايو 2024
عمدة لوس أنجلوس يدعو لإجراء تحقيق في أعمال العنف بجامعة كاليفورنيا أربعاء, 01 مايو 2024
إيران تكشف تفاصيل جديدة عن قتلى القنصلية في سوريا أربعاء, 01 مايو 2024
سنا كجك تكتب: "إسرائيل " تغري حماس بعرضها ماذا تضمن؟ الأكثر قراءة
جمعة, 08 أكتوبر 2021
مصادر: إبراهيم منير يتخذ قرار بإيقاف ٦ من الشورى العام سبت, 18 سبتمبر 2021
د. أيمن منصور ندا يكتب : عندما تلقيت اتصالاً من الرئيس السيسي خميس, 30 سبتمبر 2021
طارق مهني يكتب : بزنس المعارضة - سبوبة الزنازين اثنين, 01 نوفمبر 2021
تقرير : كيف ساهم " أبو دية " عبر أذرعه المالية في تدجين المعارضة المصرية بالخارج جمعة, 28 مايو 2021
تعرف على مدينة المقاومة تحت أرض غزة ودورها في معركة سيف القدس تعليم وتدريب
اثنين, 22 يناير 2024
باحثة أمريكية: إسرائيل قتلت 94 أكاديميا علميا ودمرت الجامعات في غزة (فيديو) جمعة, 05 يناير 2024
نهله الدراجي تكتب: البارحة ذكرى اليوم.. والغد حلمه