طرحت الزميلة شيماء مصطفى الكاتبة الصحفية بموقع "180 تحقيقات"، الحلقة الثانية لها من بودكاست "كلام في السكة" بعنوان: "مش كل صمت ضعف"، لتعرض الكاتبة لأنواع الصمت وهي صمت الخوف وصمت الوعي.
وأكد البودكاست، أن الصمت ليس ضعفا عندما تكون واثق في نفسك.. وأن الصمت ليس معناه أنك غير موجود بل قد يكون أبلغ بكثير من الكلام.. في ناس كتير لما تشوف حد ساكت تقول عليه ضعيف.. ولما حد يختار ما يردّش.. يتقال عليه مش عارف يدافع عن نفسه.
وتابع البودكاست: هناك صمت يبقى هروب أيوة.. وفي صمت بيبقى خوف وده محتاج شجاعة إنه يتعالج.. لكن في نوع تاني من الصمت، صمت واعي.. صمت عاقل.. صمت أقوى من ألف رد.. مش كل معركة تستاهل ندخلها.. ومش كل كلمة تستاهل رد.. أحيانًا الرد بيصغّرنا مش بيكبرنا.
وأوضح البودكاست: "في ناس كتير لما تشوف حد ساكت تقول عليه ضعيف.. ولما حد يختار ما يردّش.. يتقال عليه مش عارف يدافع عن نفسه.. بس الحقيقة مش كل صمت ضعف.. في صمت بيبقى هروب أيوة.. وفي صمت بيبقى خوف وده محتاج شجاعة إنه يتعالج.. لكن في نوع تاني من الصمت، صمت واعي.. صمت عاقل.. صمت أقوى من ألف رد.. مش كل معركة تستاهل ندخلها.
ومش كل كلمة تستاهل رد.. أحيانًا الرد بيصغّرنا مش بيكبرنا".
في لحظات بيكون أذكى رد إنك ما تردّش.
لما حد يحاول يستفزك، ويستنى منك رد يرضي غضبه، وإنت تختار تهدأ… ده مش ضعف. ده تحكم.
ولما حد يقلل منك وإنت عارف قيمتك فما تحتاجش تشرحها، ده مش ضعف. ده ثقة.
